حسام بهجت يكشف مفاجأة عن"تيران وصنافير"..وسر صمت الإعلام المصري
حسام بهجت يكشف مفاجأة عن"تيران وصنافير"..وسر صمت الإعلام المصري
الصحفي حسام بهجت
وأضاف "بهجت" في تدوينة: "عشان كده بنقول أن الصحافة الحرة من ضرورات الأمن القومي مش بس من ضرورات الحريات العامة. يعني نكتشف امبارح من الجرايد السعودية مش المصرية، ان النظام المصري بقاله شهور بيتفاوض في السر مع الجانب السعودي عن تعيين الحدود البحرية بين البلدين من شهر يوليو اللي فات. ايوه من يوليو 2015 فيه مفاوضات بقيادة ولي ولي العهد ووزير الدفاع السعودي.
وتابع: "لو كنا بلد محترمة كان الإعلام الحر والمستقل في بلدنا هيتابع المفاوضات دي ويشرح لنا تفاصيلها على مدى 9 شهور فبدل ما كل واحد فينا عمال يدور دلوقتي في مكتبته وعالنت عشان يفهم حكاية الجزيرتين بعد توقيع الاتفاقية على سهوة اول امبارح كنا هنكون فاهمين تفاصيل النزاع وموقف الطرفين ومكاسب كل طرف من الاتفاق وايه سبب عدم لجوء مصر والسعودية للتحكيم الدولي وديا والقبول بعدها بنتيجة التحكيم وايه اللي حصل عليه النظام المصري في مقابل التنازل بدون خناقة وايه سر تغير الموقف المصري من 2010 الى 2016 "بحسب قوله".
واستكمل: "كان وارد جدا ساعتها ناس تقتنع عن اطلاع بان الموقف السعودي سليم او تفضل ناس مقتنعة ان الموقف المصري المستمر حتى 2015 كان هو اللي صح بس في جميع الاحوال كان السيسي والمفاوضين المصريين هيكونوا تحت ضغط من الشعب اللي المفروض انتخبهم وحريصين على حقوق البلد ومهتمين يشرحوا لنا الموضوع بدل ما ينزل على قفانا مرة واحدة كده في عناوين الصحافة "بحسب تعبيره".
وأستدرك: "الصحافة الحرة لو كانت عملت شغلها بدون تكتيف او تواطؤ كانت هتحمي الامن القومي المصري من اي تفريط او حتى من الاشاعات. لكن لما يكون الحاكم بيتعامل مع البلد على انها كلها ارضه ومع المواطنين على انهم ضيوف بنوصل بالظبط للمكان اللي احنا فيه دلوقتي اللي هو القليل من المعلومات والكثير من التضارب فضلا عن احساس لن يزول بالمهانة وقلة الحيلة والضرب على القفا "بحسب وصفه".
شاهد التدوينة
م .ع
ملحوظة: جريدة الامة الإلكترونية نشرت لكم خبر : حسام بهجت يكشف مفاجأة عن"تيران وصنافير"..وسر صمت الإعلام المصري من موقع بوابة القاهرة ولا نتحمل مسئولية هذا الخبر ويمكنك رؤية الخبر في مصدره الاصلي من هنا : بوابة القاهرة
حسام بهجت يكشف مفاجأة عن"تيران وصنافير"..وسر صمت الإعلام المصري ,اخبار اليوم,مصر,اخبار مصر,خبر,اخبار
إرسال تعليق